<img height="1" width="1" style="display:none" src="https://www.facebook.com/tr?id=1959785734240817&amp;ev=PageView&amp;noscript=1">

3 минутын дотор чамайг өөрчлөх 6 арга

Огноо: 2017-06-27

өөрчлөгдөх

Өдөр бүрийн нэгэн хэвийн байдлаасаа залхаад ямар нэгэн зүйлээ өөрчилмөөр ч юм шиг санагдаад л, гэтэл зориг хүрэхгүй эсвэл юугаа хэрхэн өөрчлөхөө олж мэдэхгүй яваад байвал. Бид танд ердөө л гуравхан минутад таныг өөрчлөх 6 зөвлөгөөг хүргэж байна. Таныг шал өөр харагдуулна гэдэгт бид итгэлтэй байна. 

1. Гялалзсан өнгөтэй уруул өнгөлөгчөөр уруулаа өнгөлөх

уруул өнгөлөгч

Таны үс сэгсгэр, та жинс, футволк, кет өмссөн ч эмэгтэйлэг, дур булаам харагдаж чадна. Та тод өнгийн уруулын будаг сонгож болно л доо. Гэхдээ яг үнэндээ энэ нь бага зэргийн эрсдэлтэй, таны арьсны өнгөнд цаашлаад өмссөн хувцас, үс засалтад тохироогүй бол наснаас тань хөгшин, овортой харагдуулах сул талтай. Харин гялалзсан ягаан, эсвэл өнгөгүй гялалзсан уруул өнгөлөгч нь таны нүүрийг цэвэрхэн, гэгээтэй харагдуулахын зэрэгцээ таны уруулын хэлбэрийг маш эвтэйхэн засаж өгдөг. Үүнийг би өөрөө туршиж үзсэн. Надад маш энгийн хирнээ үнэхээр үр дүнтэй санагдсан шүү.

2. Үсний ангижруулагч хэрэглэх

үс угаах

Өдөр бүр үсчинд орж, өдөр бүр үсээ индүүдэж, ороож, сэнсдэнэ гэдэг бүсгүйчүүд бидэнд тохиох маш хүндхэн асуудлуудын нэг. Харин үсний ангижруулагч л бидэнд зүгээр л үсээ угаагаад гарсан ч үс гялалзсан өнгөтэй, соронзлогдож арзаалгүй байх боломжийг олгодог. Гэхдээ ангижруулагч хэрэглэхдээ хуйхнаас нэг сантиметрийн зайтай түрхэж, тэр даруй цэвэр усаар зайлж угааж байх хэрэгтэйг анхаараарай. 

3. Тогтмол хэв маягаа эвдэх

үсээ янзлах

Энэ маш энгийн хэрвээ үр дүнтэй арга юм.  Та үсээ ихэвчлэн голоор нь хуваадаг бол хажуу тийш хувааж, хажуу тал руу нь хуваадаг бол голоор нь хуваагаад үзээрэй. Гэхдээ энэ үед та дараах 2 зүйлийг анхаараарай. 

  • Үсээ голоор нь хуваах гэж байгаа бол үсний оройг хөвсийлгөж, өндөрлөж өгөөрэй. 
  • Харин хажуу талруу нь хуваах бол өөрийн нүүрний хэлбэрийг бодож үзэн, нарийн гонзгой нүүртэй бол хөмсөгнөөс арай зайтай чихээ дагаж унасан байхаар, өргөн нүүртэй бол үсээ хөмсөгний төгсгөлтэй нийлж унасан байхаар хагалж засаарай. 

4. Smokey-eye будалтыг туршаад үзээрэй

smokeye eye нүдээ будах

Орой гарахдаа өдрийн нөгөө л нэг байдлаа эвдмээр байгаа үед нүдээ smokey-eye будалтаар будаарай. Ази бүсгүйчүүдийн нүдэнд тохирсон тус будалтын зааврыг видео байдлаар хүргэж байна. 

 

5. Зүүлт зүүгээрэй

хүзүүний зүүлт

Энгийн, нэг өнгийн пудволк, цамц өмссөн үед зүүлт таны тэр өдрийг аврах болно. Өөрөөр хэлбэл ганцхан гоёмсог зүүлт таны хувцаслалт, хэв маягийг бүхэлд нь өөрчлөх чадвартай. Аль болох том, тод өнгийн чулуун эсвэл загварлаг металл зүүлт таныг илүү тодотгож өгөх болно. Сонгосон хүзүүний зүүлтээр нь тухайн хүний үзэл бодол, хандлага, өөртөө итгэлтэй байдлыг нь харж болдог. Гоёл чимэглэлийн зүйлсээс хүнийг хамгийн сайн илэрхийлдэг нь хүзүүний зүүлт байдаг. 

6. Хөхний даруулгаа өөртөө яг тааруулах

хөхний даруулга

Бидний ихэнх нь хүүхэд байх үеэсээ эхлэн олон төрлийн хэлбэр, хэмжээ, загвар бүхий хөхний даруулгыг туршиж үзэж ирсэн. Гэвч дэлхий дээрх нийт эмэгтэйчүүдийн 85% нь өөрт тохироогүй хөхний даруулга хэрэглэдэг гэсэн судалгаа байдагт та итгэх үү? Өөрт яг тохирсон хөхний даруулгатай бүсгүйчүүд илүү өөртөө итгэлтэй, ажлын эрч хүч ихтэй байдаг нь батлагджээ. Иймд өөртөө цаг гаргаж, яг тохирсон хөхний даруулгаа олж аваарай бүсгүйчүүдээ. 

ХОЛБООТОЙ: Сонирхож буй үсний өнгөө өөртөө тохирох эсэхээ яаж мэдэх вэ?

wella.png

Хувцасны угаалгын тэмдэглэгээний тайлбар болон онцгой материалтай хувцас угаах заавар багтаасан "Угаалгын хөтөч" цахим гарын авлагаа доорх холбоосоор үнэгүй татан аваарай.

У

Сэдэв: Үс арчилгаа

Номин

Нийтлэлч: Номин

Анунгоо ХХК - Маркетингийн менежер

Цахим ном


Цахим гарын авлага  татах

Онцлох


 
Хоол
ТАТАЖ АВАХ