<img height="1" width="1" style="display:none" src="https://www.facebook.com/tr?id=1959785734240817&amp;ev=PageView&amp;noscript=1">

Хүүхдийн авьяас чадварыг нээн хөгжүүлэх нь

Огноо: 2017-10-16

Үр хүүхдээ авьяас чадвартай, эрдэм мэдлэгтэй нэгэн болгохыг хүсдэггүй эцэг эх гэж үгүй. Хүүхдийнхээ авьяас чадварыг нээн хөгжүүлэхийн тулд эцэг эхийн оролцоо нэн чухал байдаг. 

Хүүхдийнхээ авьяас чадварыг хэрхэн хөгжүүлэх вэ?

Хүн бүрийн авьяас чадварын төвшин оюун ухаан, урлаг, спорт зэрэг янз бүрийн салбарт харилцан адилгүй байдаг. Оюуны чадавх өндөртэй хүн ой тогтоолт сайтай, юмс, үзэгдлийн учир шалтгаан, холбоо хамаарлыг сайн олдог, математикт сайн эсвэл зөн совин, IQ сайтай байх. 

Хүүхдийн оюун ухаан

Хэл ярианы чадвар сайтай хүн хэл ярианы мэдрэмж өндөртэйн дээр сайхан ярьдаг, илтгэдэг эсвэл уран сайхнаар уншдаг бол урлагийн авьяас чадвартай хүн сайхан дуулдаг, бүжиглэдэг, хөгжимддөг байх жишээтэй. Мөн хөдөлгөөний эвсэл, хүч сайтай хүн бол спортоор амжилт гаргадаг эсвэл гар урлалын бүтээлийг чадварлаг бүтээдэг бол удирдан зохион байгуулах чадвар сайтай хүн маркетинг, менежмент эсвэл  улс төрийн салбарт амжилттай ажиллах нь элбэг. Хүн бүрд байдаг энэхүү онцлог чадвар буюу авьяас нь таатай орчин, дасгал сургуулилт, дэмжлэгээр улам сайжирч байдаг ажээ. 

Гэхдээ услахгүй бол цэцэг ургахгүйтэй адилаар хүүхдийнхээ авьяас чадварыг хөгжүүлэхгүй бол болдоггүй. Ингэж хөгжүүлэх хамгийн тохиромжтой үе бол бага, балчир наснаас нь хөгжүүлэх явдал байдаг. Урлаг соёлын одууд, эрдэмтэд багаасаа хичээллэж, өөрийгөө хөгжүүлж, үндэс сууриа сайн тавьснаар амжилтад хүрсэн байдаг.

Та хүүхдээ эхлээд сайтар ажигла. Таны хүүхэд юу хийх дуртай, дургүй, юуг чадаж байна, юунд бусдаас илүү сонирхолтой байна гэх мэт зан чанар, хүсэл тэмүүллийг нь таньж мэд. Эцэг эхчүүд хүүхдээ багаас нь аливааг зөв хийдэг, өөртэй итгэлтэй, бие даах чадвартай болгож хөгжүүлэхийн тулд:

  • Тэдэнтэй ярилцах
  • Итгэж сурах
  • Бие дааж хийхийг нь зөвшөөрөх, алдвал уучилж дахин зоригжуулж байх
  • Аливааг судалж, таньж мэдэх боломж олгох
  • Хүүхдэдээ ном уншиж өгөх, ном уншуулж сургах
  • Ойр дотно байх, хамт тоглох
  • Эцэг эхдээ итгэж болохыг нь харуулах
  • Найз нөхөдтэй болох боломж олгох
  • Хүүхдээ зоригжуулж байх
  • Хэрхэн хөдөлмөрлөх ёстойг зааж сургах
  • Юмсыг эхнээс нь дуустал хийлгэж байх
  • Дуртай зүйлсийг нь хүндэлж байх
  • Хэт өөрсдийн шаардлагаа тулгахгүй байх
  • Сурч боловсрох орчинг нь бүрдүүлж өгөх
  • Зөв эрүүл хооллож сургах

ХОЛБООТОЙ НИЙТЛЭЛ: Хүүхдээ ямар үед, хэрхэн хүмүүжүүлэх ёстой вэ? 

гэх мэт наад захын харилцаа үр хүүхэдтэйгээ эхлүүлэх хэрэгтэй. Ингэснээр таны хүүхэд өөртөө итгэлтэй болох бөгөөд, өөртөө итгэлтэй байна гэдэг аливааг хийхдээ чин сэтгэлээсээ, сайн сурч чадах нөхцөл, боломж бололцоог бүрдүүлж өгдөг байх нь. 

Хоолны ном

 

 

Сэдэв: Хүүхдүүд

Гантөгс

Нийтлэлч: Гантөгс

Анунгоо ХХК - Маркетингийн менежер